Xüsusi elçi: ABŞ Livanda sülh və rifahın yaranmasına sadiqdir
Qahirə, 7 iyul, AZƏRTAC
Livan və region kritik bir dövrdən keçir və bu, gələcəyə dair hərtərəfli planın hazırlanmasını tələb edir.
AZƏRTAC İraqın rəsmi xəbər agentliyinə istinadla bildirir ki, bunu ABŞ-ın Livandakı xüsusi elçisi Tom Barak bu gün mətbuat konfransında deyib.
“Livanın mövqeyindən məmnunam. Hazırda gələcək üçün bir plan üzərində işləyirik, bu da dialoq tələb edir. ABŞ Prezidenti Livanda sülh və rifahın qurulmasına töhfə verməyə sadiq olduğunu təsdiqləyib”, - deyə xüsusi elçi bildirib.
Barak qeyd edib ki, ABŞ tərəfi Livana “Hizbullah”la bağlı nə etməli olduğunu diktə etmir. ABŞ yox, Livan özü “Hizbullah”la məşğul olmalıdır”. Vurğulanıb ki, İsrail Livanla sülh istəyir, amma bunun necə həyata keçiriləcəyi əsas çağırış olaraq qalır.
“Livanın problemi İran deyil, livanlıların öz aralarında razılığa gələ bilməməsidir. Ölkənin ABŞ-ın təklif etdiyi sənədə cavabı olduqca məsuliyyətli idi. Livanın qarşısında Trampın sayəsində bir fürsət var. İsrail Livanla müharibə istəmir və onu nəzarət altına almaq niyyətində deyil”, - deyə Tom Barak vurğulayıb.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
