YAP GÖYÇAY RAYON TƏŞKİLATI VI KONFRANSA HAZIRLAŞIR
YAP Göyçay rayon təşkilatından AZƏRTAC-ın müxbirinə bildirmişlər ki, partiyanın növbəti VI konfransına hazırlıqla bağlı şura üzvlərinin yığıncağı keçirilmişdir. Yığıncağı partiyanın rayon təşkilatının sədri Ramiz İbrahimov açaraq sentyabrın 1-də YAP mərkəzi aparatında keçirilən ümumrespublika müşavirəsinin yekunları və rayon təşkilatının yarımillik fəaliyyəti barədə danışmışdır.
Sonra çıxış edənlər bildirmişlər ki, hazırda YAP Göyçay rayon təşkilatının 4000 nəfərə yaxın üzvü var. Onlar rayonun ictimai-siyasi, sosial-iqtisadi həyatında fəal iştirak edirlər. Bildirilmişdir ki, oktyabrın 6-da keçiriləcək bələdiyyə seçkilərində YAP namizədləri layiqincə təmsil olunacaqlar.
Yığıncaqda rayon təşkilatının VI konfransına hazırlıqla əlaqədar təşkilat komitəsi yaradılmış, 20 gün müddətində ilk partiya təşkilatlarında hesabat-seçki yığıncaqlarının keçirilməsi qərara alınmışdır.
Bölmənin digər xəbərləri
