YAPONİYA AZƏRBAYCANI ÖZÜNÜN ETİBARLI TƏRƏFDAŞI SAYIR
İqtisadi İnkişaf Nazirliyindən AZƏRTAC-a bildirmişlər ki, ötən il iki ölkə arasında ticarət dövriyyəsinin həcmi 70, 6 milyon dollar təşkil etmiş, respublkamızdan gündoğan ölkəyə 18, 3 milyon dollar məbləğində qara kürü, yun, xam neft ixrac edilmişdir. Yaponiyanın müasir texnologiyalarından olan minik maşınları, tibb avadanlığı, kompyuterlər, qara metaldan hazırlanan məhsulların idxalı getdikcə artmaqdadır.
Yaponiya Beynəlxalq Əməkdaşlıq Bankının ayırdığı 80,3 milyon dollar kredit hesabına Sumqayıt Etilen-Polietilen zavodunda əsaslı yenidənqurma işləri aparılaraq, rəqabətədavamlı məhsul istehsalına başlanmışdır. Bank “Şimal DRES”-in yenidən qurulmasının birinci mərhələsinə 180,7 milyon dollar vəsait ayırmışdır. Həmin layihənin ikinci mərhələsində isə Bank Qaradağ-Digah-Şimal DRES boru kəməri və Qaradağda 2 qaz-kompressor stansiyasının tikintisini də maliyyələşdirəcəkdir.
Bölmənin digər xəbərləri
