Yaponiya sahillərində 6,1 maqnitudalı zəlzələ qeydə alınıb
Bakı, 1 iyul, AZƏRTAC
Yaponiyanın Honsyu adasının şimal-şərq sahilləri yaxınlığında, Sakit okean akvatoriyasında 6,1 maqnitudalı zəlzələ baş verib.
AZƏRTAC xəbər verir ki, bu barədə Rusiya Elmlər Akademiyasının Vahid Geofizika Xidmətinin Altay-Sayan filialı məlumat yayıb.
Altay-Sayan filialının operativ məlumatına əsasən, çərşənbə günü qeydə alınan zəlzələnin episentri Yaponiyanın Aomori prefekturasındakı Hatinohe şəhərindən 24 kilometr cənub-şərqdə yerləşib.
Zəlzələ episentrdə yeraltı təkanların intensivliyinə görə “dağıdıcı” kimi qiymətləndirilib.
ABŞ Geoloji Xidməti isə zəlzələnin maqnitudasını 5,9 olaraq qiymətləndirib. Qurumun məlumatına görə, zəlzələ ocağı 37,2 kilometr dərinlikdə yerləşib.
Bölmənin digər xəbərləri
