Yaponiyada beşinci aydır ki, işçilərin real əməkhaqqı azalır
Bakı, 7 iyul, AZƏRTAC
Yaponiya hökumətinin iyulun 7-də açıqladığı rəqəmlərə görə, bu ölkədə real əməkhaqqı may ayında bir il əvvələ nisbətən 2,9 faiz azalıb. Bu, ardıcıl beşinci aylıq azalmadır və təxminən iki ildə ən kəskin eniş olub, çünki maaş artımı davamlı inflyasiyadan geri qalmağa davam edir.
AZƏRTAC Kyodo agentliyinə istinadla xəbər verir ki, Yaponiyanın Səhiyyə, Əmək və Rifah Nazirliyinin məlumatında real əməkhaqqının ən son azalması fonunda istehlakçıların alıcılıq qabiliyyətinin barometrinin aprel ayında 2 faiz aşağı düşdüyü və bu göstəricinin 2023-cü ilin sentyabrından bəri ən pis rəqəm olduğu qeyd edilib.
Bununla yanaşı, nominal əməkhaqqı və ya bir işçiyə düşən orta aylıq ümumi qazanc əsas və əlavə maaş da daxil olmaqla 1 faiz artaraq 2 min dollar çatıb.
Ölkənin ən böyük həmkarlar ittifaqı konfederasiyasının məlumatına görə, Yaponiya şirkətləri bu ilin yazında əməkhaqqı ilə bağlı danışıqlarda maaşları orta hesabla 5,25 faiz artırmağa razılaşıb ki, bu da illik 5 faizdən çox artım deməkdir.
Amma istehlak qiymətləri may ayında 4 faiz artıb, bu da düyü və digər ərzaq xərclərinin artması, real və ya inflyasiyaya uyğunlaşdırılmış əməkhaqqının mənfi tendensiyası ilə bağlıdır. Hesabat ayında orta əməkhaqqı 18,7 faiz azalıb və bu, bonuslar və nəqliyyat müavinətləri daxil olmaqla daha aşağı xüsusi qazanclar hesabına baş verib.
Bölmənin digər xəbərləri
