YAPONİYADA BİRDƏFƏYƏ 6 AVTOMOBİLİ YÜKLƏYƏN EKSKAVATOR YARADILMIŞDIR
Tutumu 40 kubmetr olan nəhəng çalov 600 tondan artıq yükü 8 mərtəbəli bina hündürlüyünə qaldıra bilir. Yerdən 10 metr yüksəkdə yerləşir. Sahəsi 6 kvadratmetr olan sürücü kabinəsində soyuducu, mikrodalğalı elektrik sobası və 3 adamın əşyasını tutan şkaf qoymağa kifayət qədər yer vardır.
Hidravlik ekskavatorun qiyməti 9,7 milyon dollardır. Artıq bu ildən etibarən maşının satışına başlanacaqdır. İlk maşın noyabr ayında Kanadada neftli qum yataqlarının işlənilməsinə göndəriləcəkdir. Şirkət ümid edir ki, gələcəkdə bu maşınlar üçün ildə 5-6 sifariş olacaqdır.
