Yaponiyada son 125 ilin ən isti yayı qeydə alınıb
Bakı, 3 sentyabr, AZƏRTAC
Yaponiya Meteorologiya Agentliyi ölkənin son 125 ildə ən isti yayı keçirdiyini açıqlayıb.
AZƏRTAC xəbər verir ki, məlumata görə, iyun-avqust aylarında ölkənin 15 fərqli bölgəsində temperatur ölçmələri aparılıb.
Məlum olub ki, yay mövsümündə orta temperatur Selsi üzrə 1,76 dərəcə artıb.
İyulun 16-dan avqustun 23-dək ölkə üzrə 915 nöqtədən 106-da ən yüksək temperatur qeydə alınıb.
“2023-cü ilin yayında Yaponiyanın şimal, şərq və qərbində orta yay temperaturu kifayət qədər yüksəkdir. Yaponiyada builki orta yay temperaturu 1898-ci ilin yayından bəri ən yüksək göstəricidir", - deyə məlumatda bildirilib.
Avqustun əvvəlində şimal-şərqdəki Fukusimada temperatur 40 dərəcə Selsi kimi qeydə alınıb. Bu temperatur Yaponiyada 2023-cü ilin ən isti günü olub.
Bölmənin digər xəbərləri
