REGİONLAR
Yardımlıda 320 hektar sahədə yazlıq bitkilər əkilib
Yardımlı, 7 mart, Bağır Əliyev, AZƏRTAC
Yardımlı rayonunda 2021-ci ilin məhsulu üçün yazlıq bitkilərinin əkin kampaniyasına start verilib. Martın 1-də rayon üzrə 320 hektar sahədə müxtəlif növ yazlıq bitkilər əkilib. Bunun 33 hektarı dənli və dənli paxlalı bitkilər, 227 hektarı kartof sahəsi, 60 hektarı isə müxtəlif növ tərəvəz bitkiləridir.
Bu barədə Yardımlı Rayon Statistika İdarəsindən AZƏRTAC-ın bölgə müxbirinə məlumat verilib.
Bildirilib ki, rayonda əkilən tərəvəz bitkilərinin əsasını baş soğan və sarımsaq təşkil edir. Rayonda ötən ilin müvafiq dövrünə nisbətən 5 hektar sahədə çox əkin aparılıb.
Rayonun Şiləvəngə, Çayüzü, Ərsilə, Vərov və Zevin ərazi nümayəndəliklərinin təsərrüfatları əkin kampaniyasında fəal iştirak edirlər.
Hazırda Yardımlıda yazlıq bitkilərin əkin kampaniyası davam edir.