Yardımlıda əhaliyə göstərilən rabitə və informasiya xidmətinin həcmi artıb
Yardımlı, 8 noyabr, Bağır Əliyev, AZƏRTAC
Bu ilin doqquz ayında Yardımlı rayonunda əhaliyə 400,3 min manatlıq rabitə və informasiya xidməti göstərilib. Bu dövrdə göstərilən xidmətlərin həcmi əvvəlki ilin müvafiq dövründəki 274,8 min manatlıq səviyyəni 125,5 min manat üstələyərək 145,7 faiz təşkil edib.
Bu barədə AZƏRTAC-ın bölgə müxbirinə Yardımlı Rayon Statistika İdarəsindən məlumat verilib.
Bildirilib ki, rayonda əhaliyə göstərilən rabitə və informasiya xidmətlərinin 297,6 min manatı dövlət mülkiyyətinə aid iri müəssisələrin, 102,7 min manatı isə qeyri-dövlət mülkiyyətinə aid kiçik müəssisələrin payına düşür.
Bu xidmət sahələri üzrə fəaliyyətdə olan müəssisələrin əhaliyə göstərdiyi xidmətlərin həcmi 364,3 min manat olmaqla, əvvəlki ilin müvafiq dövrünə nisbətən 154 faiz təşkil edir.
Doqquz ayda rayonda rabitə və informasiya sahəsində çalışan işçilərin orta sayı 77 nəfər olmaqla, orta aylıq nominal əməkhaqqı 401,9 manat olub.
Bölmənin digər xəbərləri
