Yarım il ərzində Dilçilik İnstitutu əməkdaşlarının 10 monoqrafiyası nəşr olunub
Bakı, 19 iyun, AZƏRTAC
İyunun 19-da AMEA Nəsimi adına Dilçilik İnstitutunun Elmi şurasının iclası keçirilib.
İnstitutdan AZƏRTAC-a bildirilib ki, iclasda müəssisənin baş direktoru professor Nadir Məmmədli ölkəmizdə 2023-cü ilin “Heydər Əliyev İli” elan edilməsi ilə bağlı Tədbirlər Planı haqqında Azərbaycan Respublikası Prezidentinin Sərəncamı və qarşıda duran vəzifələr, görüləcək işlərdən bəhs edib.
İclasda şöbə müdirlərinin elmi-tədqiqat işləri ilə bağlı yarımillik hesabatı dinlənilib.
Bildirilib ki, yarım il ərzində institut əməkdaşlarının 10 monoqrafiya, 2 kitab və 150 məqaləsi (30-u xaricdə) işıq üzü görüb. Hesabat dövründə institutun 12 şöbə, 1 sektor və 1 laboratoriyasında 1 istiqamət, 14 problem, 20 mövzu üzrə 100 iş yerinə yetirilir.
Sonra elmi katib filologiya elmləri doktoru, dosent Aynel Məşədiyeva gündəlikdəki məsələlərlə şura üzvlərini tanış edib.
Hind-Avropa dilləri və Türk dilləri şöbələri üzrə baş elmi işçi, Tətbiqi dilçilik şöbəsi üzrə kiçik elmi işçi vəzifələrinə elan olunmuş müsabiqəyə əsasən səsvermə keçirilib.
Bölmənin digər xəbərləri
