YAŞILLAŞDIRMA KAMPANİYASINDA HAMI İŞTİRAK EDƏ BİLƏR
Ekologiya və Təbii Sərvətlər Nazirliyinin keçirdiyi meşələrin bərpası və ağacəkmə aylığında ölkənin hər bir sakini iştirak edə bilər. Nazirliyin mətbuat xidmətindən AZƏRTAC-ın müxbirinə bildirmişlər ki, bunun üçün yaxınlıqdakı meşə bərpası müəssisəsinə və tinglik təsərrüfatına müraciət edib, müvafiq qiymətə ağac tingləri almaq lazımdır. Orada alıcılara tinglərin düzgün əkilməsi və onlara qulluq edilməsi qaydaları yazılmış bukletlər də veriləcəkdir.
Bu kampaniyada əsas diqqət şose yolları kənarında və yaşayış məntəqələri ətrafında ağac əkilməsinə yönəldiləcəkdir.
Nazirlik, həmçinin, təhsil müəssisələri ilə birgə yaşıllaşdırma layihələrinin həyata keçirilməsini nəzərdə tutur. Mart ayı ərzində davam edəcək aylığın gedişində bir milyona yaxın ağac və kol tingləri əkiləcəkdir.
Bölmənin digər xəbərləri
