YAXIN İKİ GÜNDƏ HAVANIN DƏYİŞKƏN BULUDLU OLACAĞI GÖZLƏNİLİR
Bakı, 19 iyul (AZƏRTAC). Ekologiya və Təbii Sərvətlər Nazirliyi Milli Hidrometeorologiya Departamentindən AZƏRTAC-a verilən məlumata görə, Bakıda və Abşeron yarımadasında iyulun 20-də hava şəraitinin dəyişkən buludlu, əsasən yağmursuz keçəcəyi, şimal-qərb küləyinin əsəcəyi, arabir güclənəcəyi gözlənilir. Havanın temperaturu gecə 23-27 dərəcə, gündüz 34-38 dərəcə isti olacaqdır.
İyulun 21-də hava şəraitinin dəyişkən buludlu, əsasən yağmursuz keçəcəyi, axşam buludluluğun artacağı, şimal küləyi əsəcəyi gözlənilir. Havanın temperaturu gecə 23-27 dərəcə, gündüz 35-38 dərəcə isti olacaqdır.
Azərbaycanın rayonlarında iyulun 20-21-də hava şəraitinin əsasən yağmursuz keçəcəyi, lakin axşam və gecə bəzi dağlıq və dağətəyi rayonlarda şimşək çaxacağı, qısamüddətli yağış yağacağı ehtimalı var. Havanın temperaturu gecə 22-27 dərəcə, gündüz 33-38 dərəcə, dağlarda gecə 14-19 dərəcə, gündüz 25-30 dərəcə isti təşkil edəcəkdir.
Bölmənin digər xəbərləri
