Yəməndəki husi hədəflərinə yenidən zərbələr endirilib
Bakı, 25 fevral, AZƏRTAC
ABŞ və Böyük Britaniya qüvvələri Yəməndəki husi hədəflərinə yenidən zərbələr endirib.
AZƏRTAC xəbər verir ki, bu barədə ABŞ Mərkəzi Komandanlığı məlumat yayıb.
“ABŞ Britaniya Silahlı Qüvvələri ilə birlikdə Avstraliya, Bəhreyn, Kanada, Danimarka, Niderland və Yeni Zelandiyanın dəstəyi ilə Yəməndə husilərin nəzarətində olan 18 hədəfə zərbələr endirib”, - məlumatda deyilir.
Komandanlığa görə, zərbələrin hədəfi raketlər, pilotsuz təyyarələr, hava hücumundan müdafiə sistemləri və radarlar da daxil olmaqla silah anbarları olub. Hədəflərdən biri helikopter olub.
Bölmənin digər xəbərləri
