YENİ İSTEHSAL SAHƏLƏRİ NƏİNKİ İQTİSADİ İNKİŞAFA, HABELƏ TƏZƏ İŞ YERLƏRİNİN AÇILMASINA ŞƏRAİT YARADIR
Rayon icra hakimiyyəti başçısının birinci müavini Pərviz Ağayev AZƏRTAC-ın müxbirinə demişdir ki, hazırda 40 nəfərin çalışdığı, 750 milyon manat kapital qoyuluşu hesabına yenidən qurulan kərpic zavodunda bir neçə aydan sonra 160 nəfər işə götürüləcəkdir. İndi “İsmayıllı quşçuluq” ATSC-nin çoxdan dayanmış və yararsız hala düşmüş quşçuluq fabriki bazasında qurduğu fabrikdə 100 min baş broyler bəslənəcək, 100 nəfərdən cox işçi çalışacaqdır . Habelə, Basqal qəsəbəsindəki “Kəlağayı” ipək mərkəzində, 4 ərazidə fəaliyyətə başlayan pendir emalı sexlərində və digər obyektlərdə onlarla İsmayıllı sakininin məşğulluğu təmin edilmişdir.
Sahibkarlığın inkişafına göstərilən diqqət və qayğı bölgədə iş adamlarının fəaliyyəti üçün əlverişli şərait yaratmışdır.
