AZƏRTAC xəbər verir ki, ötən il ümummilli liderimiz Heydər Əliyevin adını daşıyan Fondun “Yeniləşən Azərbaycana yeni məktəb” proqramına əsasən Kəngərli rayonunun Xincab və Şaxtaxtı kəndlərində 2 məktəb binası istifadəyə verilmişdir.

Hazırda Ordubad rayonunun Biləv kəndində 192 yerlik məktəb binasının tikintisi sürətlə davam etdirilir. Geniş sinif otaqlarından, fənn kabinələrindən, idman zalından, kompyuter otağından ibarət yeni məktəb binası bu ilin may ayında istifadəyə veriləcəkdir.

Təzə məktəb binasında yerli əhaliyə nümunəvi tibbi xidmət göstərmək məqsədi ilə, hər cür tibbi avadanlıqla təchiz edilmiş feldşer-mama məntəqəsi də fəaliyyət göstərəcəkdir.