YETKİNLİK YAŞINA ÇATMAYANLARIN ƏDALƏT MÜHAKİMƏSİ İLƏ BAĞLI TƏCRÜBƏ ÖYRƏNİLİR
AZƏRTAC xəbər verir ki, Azərbaycan hökuməti, BMT-nin Uşaq Fondu (YUNİSEF) Azərbaycan nümayəndəliyinin təmsilçilərindən və Uşaq Hüquqları üzrə Azərbaycan QHT Alyansı üzvlərindən ibarət nümayəndə heyəti sentyabrın 10-dan 17-dək Böyük Britaniyaya səfər edəcəkdir. Səfər YUNİSEF, Böyük Britaniya səfirliyinin maliyyə dəstəyi və Esseks Universitetinin Uşaq Hüquqları Mərkəzinin təşkilatçılığı ilə həyata keçiriləcəkdir.
Səfər çərçivəsində bu ölkədə yuvenal ədliyyə - yetkinlik yaşına çatmayanların ədalət mühakiməsi ilə bağlı bir sıra məsələlər öyrəniləcək, əldə olunan təcrübə gələcəkdə Azərbaycanda yuvenal ədliyyə sahəsində aparılan islahatlar zamanı tətbiq ediləcəkdir.
Xatırladaq ki, ötən il Uşaq Hüquqları üzrə Azərbaycan QHT Alyansı bu məsələ ilə bağlı BMT-nin Uşaq Hüquqları Komitəsinə xüsusi hesabat təqdim etmişdir.
Bölmənin digər xəbərləri
