Yevlaxda yanğın: bir nəfər ölüb, iki nəfər xəsarət alıb
Yevlax, 5 dekabr, Tahir Ağaməmmədov, AZƏRTAC
Yevlax şəhərində yanğın hadisəsi baş verib.
AZƏRTAC-ın bölgə müxbiri xəbər verir ki, Yevlax şəhər sakini, 1942-ci il təvəllüdlü Mikayılova Nərgiz Savalan qızına məxsus, şəhərin S.Vurğun küçəsi, bina 15/20 ünvanında yerləşən ümumi sahəsi 80 kvadratmetr olan 4 otaqlı mənzilin 20 kvadratmetr sahəsi yanar konstruksiyaları və içərisindəki əşyalarla birlikdə yanıb. Yanğın nəticəsində mənzilin sahibi ölüb, Yevlax şəhər sakinləri - 1965-ci il təvəllüdlü Vahabova Yasəmən Mayıl qızı və 1967-ci il təvəllüdlü Mehdiyev Kamran Mayıl oğlu xəsarət alıblar.
Yanğın zamanı ölən Mikayılova Nərgiz Savalan qızı Birinci Qarabağ müharibəsinin şəhidi Mehdiyev Məhəmmədəli Mayıl oğlunun anasıdır. Xəsarət alanlar isə şəhidin qardaşı və bacısıdır.
Yevlax Rayon Mərkəzi Xəstəxanasından verilən məlumata görə, yanğında xəsarət alan Vahabova Yasəmən Mayıl qızı evə buraxılıb, Mehdiyev Kamran Mayıl oğlu isə Bakı şəhəri Buzovna Yanıq Mərkəzinə göndərilib.
Bölmənin digər xəbərləri
