Yüksək Texnologiyalar Parkının rezidentlərinin məhsullarına baxış keçirilib
Bakı, 21 avqust, AZƏRTAC
AMEA-nın Yüksək Texnologiyalar Parkının (YT Park) direktoru Vasif Abbasov qurumun ərazisində fəaliyyət göstərən rezident statusu almış istehsal müəssisələrinin iş şəraiti, texniki potensialı, istehsal sahələri və hazır məhsulları ilə yerində tanış olub.
AMEA-dan AZƏRTAC-a bildirilib ki, “AMEA Təcrübə-Sənaye Zavodu” MMC, “Elm və Texnologiya Parkı” MMC, “DN Technologies” MMC, “İnkor” MMC və “Azeltech” MMC-nin nümayəndələri YT Parkın rəhbərliyinə görülən işlər, avadanlıq və hazır məhsullar haqqında məlumat veriblər.
V.Abbasov mövcud vəziyyəti müsbət qiymətləndirib, nöqsan və çatışmazlıqların aradan qaldırılması, müasir tipli istehsalat sahəsinin yaradılması və istehsal səmərəliliyinin artırılması istiqamətində rezidentlərə tövsiyələrini verib.
Bölmənin digər xəbərləri
