Yunanıstana 400 zirehlı transportyor, yeni təyyarələr və hərbi gəmilər veriləcək
Bakı, 27 yanvar, AZƏRTAC
1990-cı ildə ABŞ-la imzalanan qarşılıqlı hərbi əməkdaşlıq barədə saziş çərçivəsində bu il Yunanıstana Amerika istehsalı olan 400 ədəd zirehlı M1117 transportyoru, yeni təyyarələr və hərbi gəmilər veriləcək.
AZƏRTAC xəbər verir ki, bu barədə Yunanıstanın müdafiə naziri Nikos Panayotopulos parlamentdə çıxışı zamanı deyib.
Nazir, eyni zamanda Fransa, İsrail, Misir, Ərəb Əmirlikləri və Səudiyyə Ərəbistanı ilə analoji sazişlərin imzalandığını, Böyük Britaniya və Almaniya ilə müvafiq danışıqların aparıldığını bildirib.
Yunanıstan, həmçinin Ukraynaya göndərilməsi planlaşdırılan 20 ədəd PDM-1 (piyadaların döyüş maşını) əvəzinə, Almaniyadan 40 ədəd “Marder” döyüş maşını alacaq. Afina onları Türkiyə ilə sərhəddə yerləşdirəcək.
Bölmənin digər xəbərləri
