“Yuventus” klubu “Bavariya”nın futbolçusunu transfer edib
Bakı, 14 iyul, AZƏRTAC
Turinin “Yuventus” klubu Münxenin “Bavariya” komandasının futbolçusu Medhi Benatianı transfer edib.
AZƏRTAC Almaniyanın “Sport1” idman portalına istinadla xəbər verir ki, 29 yaşlı müdafiəçi tibbi müayinədən sonra müqaviləyə imza atacaq.
“Qoca Sinyora” mərakeşli oyunçunu sonradan 18 milyon avroya ala bilməsi şərti ilə icarəyə götürüb. Benatianın əmək haqqı ildə 3 milyon avro təşkil edəcək.
Qeyd edək ki, M.Benatia “Bavariya”ya 2014-cü ildə İtaliya “Roma”sından keçib. O, ötən mövsüm Bundesliqada 14 oyunda forma geyinib. Benatia zədə üzündən mövsümün qalan müddətində heyətdə yer almayıb.
Bölmənin digər xəbərləri
