Zaqatalalı müəllim sertifikasiya imtahanının ikinci günündə ən yüksək nəticəni göstərib
Bakı, 21 iyun, AZƏRTAC
Dövlət ümumi təhsil müəssisələrində çalışan təhsilverənlərin sertifikatlaşdırılması prosesinin test imtahanı mərhələsi davam edir.
Elm və Təhsil Nazirliyindən AZƏRTAC-a bildirilib ki, sertifikatlaşdırma prosesinin test mərhələsinin ikinci günündə Zaqatala rayonu Aşağı Tala kənd 3 nömrəli məktəbin ibtidai sinif müəllimi, şəhid Valeh Bədəlovun anası Südabə Qaziyeva 67 dəqiqə ərzində 59 bal toplayaraq imtahanın ikinci günündə ən yüksək nəticəni göstərib.
Qeyd edək ki, iyunun 20-23-də ölkə üzrə 20 minə yaxın təhsilverən ibtidai sinif, iyunun 24-də isə 8 500-dən çox təhsilverən Azərbaycan dili və ədəbiyyat üzrə test imtahanı mərhələsinə cəlb ediləcək.
Ümumilikdə sertifikatlaşdırma prosesinin ilk mərhələsinə 28 mindən çox müəllim dəvət olunub.
Bölmənin digər xəbərləri
