Zelenski: Ukrayna İstanbulda Rusiya ilə danışıqların ikinci raundunda iştirak edəcək
Kiyev, 1 iyun, AZƏRTAC
Ukrayna İstanbulda Rusiya ilə danışıqların ikinci raundunda iştirak edəcək. Ukrayna nümayəndə heyətinə müdafiə naziri Rustem Umerov başçılıq edəcək.
AZƏRTAC xəbər verir ki, bu barədə Ukrayna Prezidenti Volodimir Zelenski Teleqram səhifəsində məlumat verib.
Zelenski bazar ertəsi İstanbulda keçiriləcək beynəlxalq danışıqların ikinci raundu ərəfəsində təhlükəsizlik və diplomatik qurumların rəhbərləri ilə görüş keçirib.
Prezidentin sözlərinə görə, Kiyevin əsas prioritetləri bunlardır: tam və qeyd-şərtsiz atəşkəs, bütün məhbusların azad edilməsi və Rusiya tərəfindən oğurlanmış ukraynalı uşaqların geri qaytarılması.
Dövlət başçısı onu da vurğulayıb ki, Ukrayna ölkənin müstəqilliyinin, təhlükəsizliyinin və suverenliyinin qorunmasına təminat vermək üçün əlindən gələni edir.
"Mən yaxın gələcək üçün vəzifələri müəyyən etmişəm. Bazar ertəsi İstanbulda keçiriləcək görüşdən əvvəl də mövqeləri müəyyən etmişəm", - Zelenski deyib.
Prezident vurğulayıb ki, əsas məsələləri yalnız ən yüksək səviyyədə həll etmək olar, ona görə də Ukrayna da liderlərin potensial görüşünə hazırlaşır.
Kiyev
Bölmənin digər xəbərləri
