Zelenskinin ofisi London danışıqlarında iştirakını təsdiqləyib
Bakı, 21 aprel, AZƏRTAC
Ukrayna nümayəndə heyəti bu həftə Londonda keçiriləcək danışıqlarda iştirak edəcək.
AZƏRTAC xəbər verir ki, bunu Volodimir Zelenskinin ofisinin rəhbərinin müşaviri Serhiy Leşçenko təsdiqləyib.
İclasda ABŞ və Avropa ölkələrindən olan nümayəndələrin Ukraynada mümkün atəşkəs məsələsini müzakirə edəcəyi gözlənilir.
UNİAN agentliyi Leşçenkodan sitat gətirib: "Qrupumuz iştirak edəcək. Mən heyəti açıqlamayacağam".
O xatırladıb ki, aprelin 17-də Parisdə reallaşan görüşdə Ukraynanı Zelenskinin ofisinin rəhbəri Andriy Yermak, xarici işlər naziri Andrey Sibiqa və müdafiə naziri Rustem Umerov təmsil ediblər. "Lazım gələrsə, tərkibə düzəlişlər ediləcək, lakin Ukrayna bu danışıqlarda mütləq iştirak edəcək", - deyə müşavir əlavə edib.
Bölmənin digər xəbərləri
