Zəlzələ nəticəsində Quba rayonunun Xınalıq kəndində bəzi evlərdə çatlar əmələ gəlib VİDEO
Quba Rayon İcra Hakimiyyəti başçısının Xınalıq inzibati dairəsi üzrə nümayəndəsi Fizuli Şərifov AZƏRTAC-a bildirib ki, yaşayış məntəqəsindəki evlərdə dağıntı qeydə alınmasa da, 10-a yaxın evin və bir neçə yardımçı tikililərin divarlarında çatlar əmələ gəlib. Çatlar əsasən coxdan inşa olunmuş və çiy kərpicdən tikilən evlərdə qeydə alınıb.
Kəndin icra orqanlarının nümayəndələri zəlzələdən ziyan çəkən evlərə baxış keçirib, sakinlərlə görüşüblər. Evlərə dəyən ziyan barədə əlaqədar qurumlar məlumatlandırılıb. Quba Rayon Fövqəladə Hallar Komissiyasının üzvləri də vəziyyətlə yerində tanışlıq üçün Xınalıq kəndində olacaqlar.
Bölmənin digər xəbərləri
