SİYASƏT
Türkiyə parlamentində 20 Yanvar faciəsindən danışılıb VİDEO
İstanbul, 17 yanvar, AZƏRTAC
Türkiyə-Azərbaycan parlamentlərarası dostluq qrupunun rəhbəri Necdet Ünüvar Türkiyə Böyük Millət Məclisində (TBMM) 20 Yanvar faciəsinin 28-ci ildönümü ilə əlaqədar bəyanatla çıxış edib.
AZƏRTAC xəbər verir ki, N.Ünüvar 1990-cı il yanvarın 19-dan 20-nə keçən gecə keçmiş SSRİ rəhbərliyinin Azərbaycana qanunsuz qoşun yeritməsindən və bu hadisənin acı nəticələrindən danışıb. O vurğulayıb ki, Türkiyə xalqı bu faciənin acılarını Azərbaycan xalqı ilə bölüşür.
TBMM-nin iclasında Azərbaycanın Türkiyədəki səfiri Xəzər İbrahim də iştirak edib.
Sabir Şahtaxtı
AZƏRTAC-ın xüsusi müxbiri
İstanbul