Madriddə “Fitur-2018” beynəlxalq turizm sərgisində Azərbaycan da təmsil olunur VİDEO
Madrid, 17 yanvar, AZƏRTAC
İspaniya paytaxtı Madriddə 38-ci dəfə keçirilən ənənəvi “Fitur-2018” beynəlxalq turizm sərgisi öz işinə başlayıb. Yanvarın 17-dən 21-dək davam edəcək, 165 ölkədən, 10 mindən artıq şirkətin qatıldığı sərgidə Azərbaycan da iştirak edir.
AZƏRTAC xəbər verir ki, ölkəmizi bu sərgidə Mədəniyyət və Turizm Nazirliyinin nümayəndə heyəti ilə bərabər 9 turizm şirkəti təmsil edir. Onlar qurulan stendlər vasitəsilə sərgiyə gələn ziyarətçiləri Azərbaycanın turizm potensialı ilə tanış edir, müxtəlif ölkələrdən gəlmiş şirkət nümayəndələri ilə işgüzar görüşlər keçirirlər.
Aygün Əliyeva
AZƏRTAC-ın xüsusi müxbiri
Madrid
Bölmənin digər xəbərləri
