ABŞ Yaponiyanı İrana qarşı tətbiq etdiyi sanksiyalardan kənarlaşdırıb
Tokio, 4 noyabr, AZERTAC
ABŞ Yaponiyanı İrana qarşı tətbiq etdiyi sanksiyalardan kənarlaşdıraraq, onun bu ölkədən xam neft ixrac etməsinə maneə yaratmayacaq.
Xatırladaq ki, noyabrın 5-dən ABŞ İrana qarşı sanksiyaların yenidən tətbiqinə başlayacaq.
ABŞ birtərəfli qaydada İran və dünyanın altı ölkəsi arasında imzalanan razılaşmadan çıxıb. ABŞ, eyni zamanda, digər ölkələri İran neftinin ixracından imtina etməyə çağırır.
Buna baxmayaraq, oktyabrın 3-də ABŞ-ın dövlət katibi Mayk Pompeo İrandan neft ixracına icazə verilən səkkiz ölkənin siyahısının dərc olunacağını elan edib.
Yaponiyaya neft ixracında İran nefti cəmi 5 faiz paya malikdir. ABŞ-ın sanksiyaları ərəfəsində topdan neft alqısı ilə məşğul olan yapon şirkətləri İran ilə ticarəti dayandırıb.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
