20 Yanvar Azərbaycanı müstəqilliyə aparan yolun başlanğıcı oldu
Bakı, 20 yanvar (AZƏRTAC). Azərbaycan xalqının tarixinə qanla yazılmış 1990-cı ilin 20 Yanvar hadisələrindən 22 il ötür. Faciə qurbanlarının xatirəsini yad etmək üçün Şəhidlər xiyabanına gələnlərdən biri də paytaxt sakini Zal Mehdiyevdir.
AZƏRTAC-a müsabihəsində Z.Mehdiyev demişdir ki, 20 Yanvar Azərbaycanı müstəqilliyə aparan yolun başlanğıcı olmuşdur. Ölkədə milli azadlıq hərəkatını boğmaq məqsədilə sovet rəhbərliyi tərəfindən Bakıya yeridilən ordu dinc əhalini atəşə tutmuşdur. Yuzlərlə insan şəhid olmuş və yaralanmışdır. Şəhidlərimizin adı Azərbaycan tarixinə qızıl hərflərlə yazılmış, xalqımızın yaddaşına əbədi həkk olunmuşdur. Şəhidlər xiyabanı bizim üçün müqəddəs and yerinə çevrilmişdir. Mən də soydaşlarımız kimi hər il gəlib şəhidlərimizin məzarlarını ziyarət etməyi özümə borc bilirəm. Allahdan şəhidlərimizə rəhmət diləyirəm.
Bölmənin digər xəbərləri
