20 Yanvar faciəsi uşaqların gözü ilə
Bakı, 19 yanvar (AZƏRTAC). Yanvarın 19-da T.İsmayılov adına Uşaq-Gənclər Yaradıcılıq Sarayının “Uşaq Dünyası” rəsm qalereyasında 20 Yanvar faciəsinin 22-ci ildönümünə həsr olunmuş sərgi açılmışdır.
AZƏRTAC xəbər verir ki, Təhsil Nazirliyi və Bakı Şəhəri üzrə Təhsil İdarəsinin birgə təşkilatçılığı ilə açılmış sərgidə Bakının ümumtəhsil məktəblərinin və məktəbdənkənar təhsil müəssisələrinin yeniyetmə rəssamlarının ümumxalq hüzn gününü əks etdirən 100-dən çox rəsm əsəri nümayiş etdirilir.
Sərginin açılış mərasimində iştirak edən təhsil naziri Misir Mərdanov 20 Yanvarın tariximizə Vətənimizin azadlığı və müstəqilliyi uğrunda mübarizə günü, eyni zamanda, xalqımızın qəhrəmanlıq salnaməsi günü kimi daxil olduğunu xüsusi vurğulamışdır. Nazir bildirmişdir ki, ümummilli liderimiz Heydər Əliyevin xalqın təkidli tələbi ilə hakimiyyətə qayıdışından sonra bu qanlı aksiya öz siyasi-hüquqi qiymətini almış, hadisənin əsl mahiyyəti dünyaya çatdırılmışdır.
Sərgi bir həftə davam edəcəkdir.
Bölmənin digər xəbərləri
