20 Yanvar faciəsini heç zaman unutmaq olmaz
Bakı, 20 yanvar (AZƏRTAC). Artıq 22 ildir ki, xalqımız bu günü ümumxalq hüzn günü kimi böyük izdihamla, şəhidlərimizin ruhuna layiq bir şəkildə qeyd edir. Yanvarın 20-də qarlı-şaxtalı hava şəraitinə baxmayaraq şəhidlərin xatirəsini anmaq, onlara öz vətəndaşlıq borcunu qismən də olsa ödəmək üçün müqəddəs məkana - Şəhidlər xiyabanına üz tutanların ardı-arası kəsilmir.
AZƏRTAC xəbər verir ki, bu insan selinə qoşulub, müqəddəs məkana doğru üz tutanların sırasında öz nəvələri ilə gələnlər də az deyildir. Belə vətəndaşlarımızdan biri də Çiçək Qocayevadır.
O deyir ki, 20 Yanvar faciəsini unutmaq olmaz. Unutsaq azadlığımızın, müstəqilliyimizin qədrini bilmərik. Dünyada isə azadlıqdan, müstəqillikdən şirin şey yoxdur. 20 Yanvar təkcə faciə və hüzn günümüz kimi qiymətləndirilməməlidir. Bu hadisə həm də xalqımızın müstəqillik, azadlıq, demokratiya, ərazi bütövlüyü uğrunda mübarizəsinin, dünyanı heyrətə gətirən mərdliyinin, igidlik və haqsevərliyinin böyük təntənəsidir.
Bölmənin digər xəbərləri
