20 Yanvar hadisələri Azərbaycan xalqına qarşı törədilmiş ağır cinayətdir
Ağsu, 20 yanvar (AZƏRTAC). Bu fikir yanvarın 20-də Ağsuda qanlı faciənin iyirmi ikinci ildönümünə həsr edilən silsilə tədbirlərdə səsləndirilmişdir. Rayon əhalisi Şəhidlər xiyabanına, daha sonra Qəhrəmanlar parkına gələrək vətənimizin azadlığı, torpaqlarımızın bütövlüyü uğrunda şəhid olan ağsuluların məzarlarını və xatirə kompleksini ziyarət etmişlər.
Parkda təşkil olunmuş tədbirdə çıxış edən rayon icra hakimiyyətinin başçısı Ənvər Seyidəliyev “Qəhrəmanlıq tariximizin 20 Yanvar səhifəsi” mövzusunda çıxış etmişdir.
Mitinqdə faciədən dərhal sonra ulu öndərimiz, görkəmli dövlət və siyasi xadim Heydər Əliyevin heç bir təhlükədən çəkinməyərək Moskvada Azərbaycan nümayəndəliyindəki bəyanatından, 1994-cü ildə 20 Yanvar hadisələrinə hüquqi qiymət verilməsi qeyd olunmuşdur.
Saat 12-də faciə qurbanlarının xatirəsi bir dəqiqəlik sükutla yad edilmişdir.
Rayon Mədəniyyət Sarayında davam edən tədbirdə 20 Yanvar faciəsinə həsr olunmuş sənədli film və rayonun mədəniyyət işçilərinin hazırladıqları “Milli qürur günü” adlı ədəbi-bədii kompozisiya nümayiş etdirlmişdir.
Bölmənin digər xəbərləri
