20 Yanvar şəhidlərinin əziz xatirəsi əbədi yaşayacaqdır
Bakı, 18 yanvar (AZƏRTAC). Azərbaycan Milli Elmlər Akademiyasının (AMEA) Mərkəzi Elmi Kitabxanasında 20 Yanvar faciəsinin iyirmi ikinci ildönümünə həsr edilmiş tədbir keçirilmişdir.
AZƏRTAC xəbər verir ki, tədbirdə AMEA-nın Mərkəzi Elmi Kitabxanasının direktoru Aybəniz Əliyeva-Kəngərli bildirmişdir ki, 1990-cı il yanvarın 19-dan 20-nə keçən gecə imperiya ordusu Bakıda və Azərbaycanın digər şəhər və rayonlarında dəhşətli qırğınlar törətmiş, azadlıq və müstəqillik arzusunda olan insanların qanını axıtmışdır.
Qara Yanvar hadisələrinin xalqımızın qan yaddaşından heç zaman silinməyəcəyini diqqətə çatdıran A.Əliyeva-Kəngərli şəhidlərin əziz xatirəsinin əbədi yaşayacağını vurğulamışdır.
Digər çıxış edənlər də qanlı faciədən bəhs etmişlər.
Sonra tədbir iştirakçıları “Qanlı Yanvar” mövzusunda sərgi ilə tanış olmuşlar. Sərgidə Azərbaycan, rus və digər dillərdə 20 Yanvar faciəsindən bəhs edən 60-dan çox kitab, qəzet və jurnal nümayiş etdirilir.
Bölmənin digər xəbərləri
