20 Yanvar tariximizin şərəfli səhifəsinə çevrilmişdir
Bakı, 20 yanvar (AZƏRTAC). 20 Yanvar şəhidlərinin xatirəsini yad etmək üçün Şəhidlər xiyabanına üz tutanların ardı-arası kəsilmir.
Şəhidlərimizin məzarlarını ziyarət etməyə gələnlərdən biri də çilingər Nəsimi Qurbanovdur.
AZƏRTAC-a müsahibəsində Nəsimi Qurbanov demişdir ki, dəhşətli 20 Yanvar hadisəsi tariximizin qəhrəmanlıq səhifəsinə çevrilmişdir. Həmin gecə öz müstəqilliyi, azadlığı uğrunda mübarizəyə qalxan övladlarımız Azərbaycana təcavüz edən imperiyanın hərb maşınının - ağır hərbi texnikanın, təpədən-dırnağadək silahlanmış amansız hərbçilərin qarşısına əliyalın çıxmışdılar. Bununla da şəhidlərimiz öz qanları ilə xalqımızın qəhrəmanlıq salnaməsinə imza atmışlar. Şəhidlər xiyabanında uyuyanlar hamımızın bacısı, qardaşı və övladlarıdır. Onların qəhrəmanlıqları qəlbimizdə daim yaşayacaqdır. Mən də bir Azərbaycan vətəndaşı kimi həmişə şəhidlərimizin məzarlarını ziyarət edirəm və bunu özümə borc bilirəm.
Şəhidlərimizə Allahdan rəhmət diləyirəm.
Bölmənin digər xəbərləri
