22 MAY
2000-ci il. BMT Baş Assambleyasının qərarı ilə 22 may - Beynəlxalq Bioloji Müxtəliflik Günü təsis edilib.
1918-ci il. Görkəmli teatr rejissoru və aktyoru, SSRİ Xalq Artisti, sənətşünaslıq doktoru, professor Mehdi Məmmədovun doğum günü (1918-1985). Akademik Milli Dram Teatrında səhnələşdirdiyi Hüseyn Cavidin “İblis” faciəsinə görə 1984-cü ildə Azərbaycan Dövlət mükafatı ilə təltif olunub.
1937-ci il. Tanınmış bəstəkar, Azərbaycanın Xalq Artisti, professor Aqşın Əlizadənin doğum günü (1937-2014). O, “Babək”, “Qаfqаzа səyаhət” və “Ümid vаlsı” baletlərinin, 5 simfoniyanın və digər simfonik əsərlərinin müəllifidir, 50-dən artıq bədii film, cizgi filmlərə, tamaşaya musiqi bəstələyib.
1846-cı il. Dünyanın ən böyük beynəlxalq informasiya-xəbər agentliklərindən biri Assoşieyted Press Agentliyinin əsası qoyulub. O, ilkin olaraq Nyu-Yorkun beş qəzet nəşriyyatının kooperativ birliyi kimi yaradılıb. Məqsəd Amerika-Meksika müharibəsi haqqında xəbərləri Şimala Amerika poçt xidmətindən daha tez çatdırmaq olub.
Agentliyin baş ofisi Nyu-Yorkda yerləşir.
1813-cü il. Alman bəstəkarı, “Tristan və İzolda”, “Nibelunqların üzüyü”, “Loenqrin” operalarının müəllifi Rihard Vaqnerin doğum günü (1813-1883).
1859-cu il. İngilis yazıçısı, Şerlok Holms haqqında hekayələrin müəllifi Artur Konan Doyl anadan olub (1859-1930).
