Fransız modelyer Azərbaycan xalqını Zəfər Günü münasibətilə təbrik edib VİDEO
Paris, 12 noyabr, AZƏRTAC
Həmişə olduğu kimi Azərbaycanın Parisdəki səfirliyi möhtəşəm gecə təşkil edib. Milli ənənələrin müasirliklə sintezi möhtəşəmdir. Gənc pianoçu Mirsəməd Növrəslini dinləməkdən çox məmnun oldum.
Bu fikri Parisdə Zəfər Gününün 5-ci ildönümü münasibətilə “Qələbə Ritmləri” adlı musiqi gecəsində iştirak edən Fransanın moda sahəsində öz məktəbini yaradan Tilman Qrav AZƏRTAC-a müsahibəsində deyib. O, Şahin Növrəslini tanıdığını və buna görə Mirsəmədi də hələ kiçik yaşlardan izlədiyini və onun ifasına heyran olduğunu qeyd edib. Xüsusilə də ata və oğulun milli musiqi ilə cazın sintezini pianoda möhtəşəm təqdim etdiklərini diqqətə çatdırıb.
“Azərbaycan xalqını sülhü bərpa etməsinə, öz torpaqlarına qovuşmasına və həyatlarında yeni sülh erasına başlamalarına görə təbrik edirəm. Mən Azərbaycan xalqının bu Zəfərinə çox şadam və onların sevincinə şərikəm”, - deyə T.Qrav xalqımızı Zəfər bayramı münasibətilə təbrik edib.
Bölmənin digər xəbərləri
