6 İYUN
1951-ci il. Görkəmli opera müğənnisi, Xalq Artisti, Azərbaycan Respublikasının Dövlət mükafatı laureatı, “Şöhrət” və “Şərəf” ordenli, 1996-ci ildən Üzeyir Hacıbəyli adına Bakı Musiqi Akademiyasının, 1994-ildən İstanbul Dövlət Universiteti konservatoriyasının professoru Xuraman Qasımovanın doğum günü. O, bir sıra beynəlxalq müsabiqələrin laureatıdır, “Qran-pri” qızıl mükafatına layiq görülüb. Fransa, Avstriya, Norveç, Türkiyə, Finlandiya və digər xarici ölkələrdə Azərbaycan vokal sənətinin uğurla təmsil edib.
1761-ci il. Böyük rus alimi Mixail Lomonosov apardığı tədqiqatlar zamanı Venera planetində atmosferin olduğunu aşkar edib.
1801-ci il. Portuqaliya ilə İspaniya və Fransa arasında baş verən, tarixə “Portağallar müharibəsi” adı ilə düşən müharibə sona çatıb. Müharibə Portuqaliyanın məğlubiyyəti ilə nəticələnib və Badaxos sülh müqaviləsi imzalanıb.
1799-cu il. Dahi rus şairi, dramaturq və nasiri, rus ədəbi dilinin reformatoru, müasir rus ədəbiyyatının banisi Aleksandr Puşkin (1799-1837) anadan olub. Puşkinin adı tarixdə 100 ən çox öyrənilmiş şəxsiyyətlər siyahısına daxil edilib.
1850-ci il. Alman əsilli iş adamı Levi Strauss hazırda dünyada “Levi’s” adı ilə məşhur olan ilk mavi cins geyimləri hazırlayıb.
