ABŞ-da kütləvi qətllər rekord həddə çatır
Bakı, 22 aprel, AZƏRTAC
ABŞ-da bu il kütləvi qətllər rekord həddə çatır, bu günə qədər orta hesabla həftədə bir qətl törədilib.
AZƏRTAC Al-Arabia News-a istinadla xəbər verir ki, 111 gün ərzində 17 kütləvi qətldə 88 nəfərin həyatına son qoyulub. Hər dəfə qatillər odlu silahlardan istifadə ediblər.
Prezident Co Bayden keçən il silah zorakılığı ilə bağlı qanun layihəsini imzalamış, ən gənc silah alıcıları üçün öncədən yoxlamaları sərtləşdirmişdir.
Ekspertlər və hüquq müdafiəçiləri ABŞ-da son illərdə silahların yayılmasını, o cümlədən pandemiyanın yüksək olduğu dövrdə rekord silah satışlarını bu cür hadisələrə səbəb kimi göstərirlər.
Bölmənin digər xəbərləri
