İspaniyanın “Santander” bankının nümayəndələri ilə müzakirələr aparılıb
Bakı, 2 sentyabr, AZƏRTAC
İqtisadiyyat nazirinin birinci müavini Elnur Əliyev İspaniyanın “Santander” bankının nümayəndələri ilə görüşüb.
İqtisadiyyat Nazirliyindən AZƏRTAC-a bildirilib ki, görüşdə Azərbaycan-İspaniya iqtisadi əlaqələrinin inkişafı və əməkdaşlığın genişləndirilməsi imkanları vurğulanıb. Bildirilib ki, iki ölkə arasında iqtisadi tərəfdaşlığın inkişafı, eləcə də birgə layihələrin həyata keçirilməsində maliyyə sektorunun rolu mühüm əhəmiyyət daşıyır.
Ölkəmizdə həyata keçirilən investisiya layihələrinin maliyyələşdirilməsi, o cümlədən çoxtərəfli maliyyə institutları vasitəsilə dəstəklənməsi imkanları nəzərdən keçirilib. Bu çərçivədə “Santander” bankı ilə əməkdaşlığın genişləndirilməsi imkanları nəzərdən keçirilib.
Azərbaycanda investisiyaların təşviqi və dəstəklənməsi istiqamətində həyata keçirilən tədbirlər diqqətə çatdırılıb, qarşılıqlı maraq doğuran digər məsələlər müzakirələr olunub.
Bölmənin digər xəbərləri
