Təmir işləri ilə əlaqədar Moskva prospektinin bir hissəsi bağlanacaq
Bakı, 2 sentyabr, AZƏRTAC
Aparılacaq təmir işləri ilə əlaqədar Binəqədi rayonu, Moskva prospektinin kənar yolu (Biləcəri enişi hissəsi) nəqliyyat vasitələrinin hərəkəti üçün tam bağlanacaq.
Bu barədə AZƏRTAC-a Azərbaycan Avtomobil Yolları Dövlət Agentliyindən məlumat verilib.
Bildirilib ki, təmir işlərinə sentyabrın 4-də saat 20:00-dan etibarən başlanılacaq.
Məhdudiyyət proses başa çatanadək qüvvədə olacaq.
Sürücülərdən qeyd olunan müddətdə alternativ hərəkət istiqamətlərindən istifadə etmələri və aparılan təmir işlərinə anlayışla yanaşmaları xahiş olunur.
Bölmənin digər xəbərləri
