“Boeing” təhlükəsizlik pozuntularına görə 3,1 milyon dollar cərimə ödəyib
Bakı, 2 sentyabr, AZƏRTAC
“Boeing” şirkəti genişmiqyaslı təhlükəsizlik pozuntularına görə ABŞ Federal Aviasiya Administrasiyasına (FAA) 3,1 milyon dollar cərimə ödəyib.
AZƏRTAC xəbər verir ki, bu barədə “Reuters” agentliyinə FAA-dan bildirilib. Cərimə 2025-ci ilin sentyabrında təklif edilib və şirkət tərəfindən 2026-cı ilin yanvarında ödənilib. Bu barədə məlumat ictimaiyyətə əvvəllər açıqlanmayıb.
FAA-nın məlumatına görə, pozuntular arasında 2024-cü ilin yanvarında “Alaska Airlines” aviaşirkətinin “Boeing 737 MAX 9” təyyarəsində baş verən və gövdənin bir hissəsinin uçuş zamanı qopması ilə nəticələnən insidentlə bağlı hallar da olub.
Agentlik, həmçinin “Boeing” şirkətinin təhlükəsizlik üzrə məsul əməkdaşların müstəqilliyinə müdaxilə etdiyini bildirib. FAA 2023-cü ilin sentyabrından 2024-cü ilin fevralınadək şirkətin istehsal müəssisələrində yüzlərlə keyfiyyət pozuntusu müəyyən edib.
Bölmənin digər xəbərləri
