REGİONLAR


Gəncədəki tarix-diyarşünaslıq muzeyi təmir ediləcək

Gəncə, 28 sentyabr (AZƏRTAC). Gəncədəki tarix-diyarşünaslıq muzeyinin binası gələn ilin yanvarında əsaslı şəkildə təmir ediləcək.

Gəncə Şəhər İcra Hakimiyyətindən AZƏRTAC-a bildiriblər ki, 1924-cü ildə inşa edilən binanın təmiri zamanı onun əvvəlki görkəminin qorunması diqqət mərkəzində saxlanılacaq.

Hazırda muzeydə 30 mindən çox eksponat var. Gəncənin ən qədim dövrlərindən son zamanlara qədər olan tarixini əks etdirən arxeoloji tapıntılar, maddi-mədəniyyət nümunələri 18 salonda yerləşdirilib. Muzeyin ekspozisiyasında eramızdan əvvəl II minilliyə aid uzunluğu 2,2 metr olan qədim insan skeleti, eramızın VII əsrinə aid, Qafqaz Albaniyası hökmdarına məxsus qəbirüstü abidə, Nizami Gəncəvinin qəbrindən aşkarlanmış çıraqlar, Azərbaycan tarixinin müxtəlif dövrlərinə aid sikkələr, zərgərlik əşyaları və digər maddi-mədəniyyət nümunələri nümayiş etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.