CƏMİYYƏT


Gürcüstanın Yəhudi İcması ermənilərin Gəncəni raket atəşinə tutması ilə əlaqədar bəyanat qəbul edib

Tbilisi, 19 oktyabr, AZƏRTAC

Gürcüstanın Yəhudi İcması ermənilərin Gəncəni raket atəşinə tutması ilə əlaqədar bəyanat qəbul edib.

Bu barədə AZƏRTAC-a Gürcüstan yəhudi icmasının rəhbəri, fizika-riyaziyyat üzrə elmlər doktoru Abik Çaruxçevi məlumat verib.

O qeyd edib ki, Ermənistan rəhbərliyi son dövrlərdə verdiyi bəyanatlarla ərazi bütövlüyü prinsipinə hörmətsiz yanaşır, qonşu Gürcüstana da ərazi iddiası irəli sürür və bu məqsədlə açıq şəkildə separatizmi alovlandırır.

Ermənistan silahlı qüvvələrinin humanitar atəşkəs razılaşmasından dərhal sonra oktyabrın 11-də gecə radələrində Azərbaycanın ikinci böyük şəhəri olan Gəncənin mərkəzi hissəsindəki çoxmənzilli yaşayış binasını raket atəşinə tutması işğalçı dövlətin hərbi-siyasi rəhbərliyinin vandallığının, barbarlığının növbəti bariz göstəricisi oldu.

Ermənistan tərəfindən Azərbaycanın Gəncə şəhərinin atəşə tutulması Cenevrə Konvensiyasının kobud şəkildə pozulmasıdır.

Regionda sülh və sabitliyə ciddi təhlükə yaradan işğalçı Ermənistan hakimiyyətinin təxribatçı əməllərinin şahidi olan dünya, beynəlxalq ictimaiyyət Azərbaycana qarşı yönələn işğalçılıq siyasətini kəskin şəkildə qınamalı, “gözünü qan tutan” Ermənistanı beynəlxalq hüquqa, humanitar öhdəliklərinə əməl etməyə məcbur etməlidir.

O diqqətə çatdırıb ki, bütün dünya bir daha işğalçı Ermənistanın dövlət səviyyəsində terror siyasəti yürütməsinin şahidi oldu. Bu cür cinayət əməlləri ilə xalqımızın sarsılmaz iradəsini qırmağa çalışan düşmən məqsədinə çatmadı. Çünki hər bir vətəndaşımız Ali Baş Komandana, Ordumuza güvənir və əmindir ki, düşmən törətdiyi bütün cinayətlərə görə cavab verəcək!

Qeyd edək ki, icma rəhbərinin bəyanatının tam mətni Gürcüstanın “Sakartvelos Respublika” qəzetində dərc olunub.

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.