KOBİA sentyabrda sahibkarlar üçün keçiriləcək görüşlərin istiqamətlərini açıqlayıb
Bakı, 4 sentyabr, AZƏRTAC
Kiçik və Orta Biznesin İnkişafı Agentliyinin (KOBİA) təşkilatçılığı ilə sentyabrda sahibkarlar üçün müxtəlif mövzularda sahəvi və maarifləndirici görüşlər təşkil olunacaq.
KOBİA-dan AZƏRTAC-a bildirilib ki, görüşlər startapların və KOB subyektlərinin dövlət qeydiyyatı sahəsində yeniliklər, logistika, meyvəçilik və üzümçülük, kənd təsərrüfatının inkişafı və dövlət dəstəyi mexanizmləri, özünüməşğulluq proqramı, Qarabağ və Şərqi Zəngəzur iqtisadi rayonlarında KOB klasterlərinin formalaşdırılması, KOB-ların rəqəmsal transformasiyası və E-ticarət, icbari tibbi sığorta, bitkiçilik, qadınların məşğulluğunun dəstəklənməsi, dövlət dəstək mexanizmləri, heyvandarlıq və əməyin təşkili mövzularını əhatə edəcək.
Görüşlər Bakı, Şirvan, Ağcabədi, Yevlax, Ağstafa, Balakən, Naxçıvan Muxtar Respublikasının Sədərək rayonu, Qax və Qubada keçiriləcək. Görüşlərdə aidiyyəti dövlət qurumları və biznes strukturlarının mütəxəssisləri müvafiq sahələrdə mövcud vəziyyət və imkanlar barədə məlumat verəcək, sahibkarların suallarını cavablandıracaqlar.
Bölmənin digər xəbərləri
