REGİONLAR


İlk dəfə pambıq becərən xocavəndli məcburi köçkünlər indiyədək 91,2 ton məhsul yığıblar

Beyləqan, 28 sentyabr, AZƏRTAC

Bu il ilk dəfə olaraq Beyləqan rayonu ərazisində 90 hektarda pambıq becərən xocavəndli məcburi köçkünlər bir neçə gündür ki, məhsul yığımına başlayıblar.

Xocavənd Rayon İcra Hakimiyyətindən AZƏRTAC-a bildiriblər ki, “CTS Aqro” MMC ilə bağlanan müqaviləyə əsasən, pambıq istehsalçıları lazımi texnika, toxum, gübrə və kimyəvi preparatlarla tam təmin ediliblər. Becərmə zamanı aqrotexniki qaydalara əməl edilib və bol məhsul yetişib.

Məhsul yığımı əsasən pambıqyığan maşınlar vasitəsilə həyata keçirilir. Bu günədək 91,2 ton “ağ qızıl” toplanaraq, qəbul məntəqəsinə təhvil verilib. Tarlalardakı məhsul deməyə əsas verir ki, bu il xocavəndli məcburi köçkünlər 200 tona yaxın pambıq tədarük edəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.