DÜNYA


İsveçrə parlamenti ölkənin yeni prezidentini seçib

Bern, 5 dekabr, AZƏRTAC

Dekabrın 5-də İsveçrə parlamenti ölkənin yeni prezidentinin adını açıqlayıb. Parlamentdə keçirilən seçkidə bu vəzifəyə maliyyə naziri Ueli Maurer təsdiq olunub. Yeni prezidentin namizədliyi parlament üzvlərinin mütləq əksəriyyəti (209 səsdən 201-i) tərəfindən dəstəklənib.

AZƏRTAC xəbər verir ki, hökumətin yeddi üzvü arasından seçilən prezident bu vəzifəni bir il müddətində icra edir və əsasən reprezentativ fəaliyyətlə məşğul olur. U.Maurerlə yanaşı, iki qadın da hökumətə yeni üzv seçilib.

İsveçrə Xalq Partiyasının təmsilçisi olan U.Maurer hələ 2008-ci ildə hökumətə üzv seçilib və müdafiə naziri vəzifəsində çalışıb. 2013-cü ildə o, prezident vəzifəsini də icra edib. Budəfəki seçki ilə U. Maurer ikinci dəfə prezident səlahiyyətlərini icra etmək hüququ qazanıb.

Elgün Niftəli

AZƏRTAC-ın xüsusi müxbiri

Bern

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.