Kiyevdə avtomobillərin sayı 15 faiz artıb
Kiyev, 13 fevral, AZƏRTAC
Son 3 ildə Ukraynanın paytaxtı Kiyev şəhərində avtomobillərin sayı 15 faiz artıb. 2025-ci ilə qədər isə avtomobillərin sayının 60 faiz artacağı proqnozlaşdırılır.
AZƏRTAC xəbər verir ki, bu barədə Kiyev Şəhər Dövlət Administrasiyasında keçirilən iclasda məlumat verilib. İclasda Kiyevin 2019-2023-cü illər üçün nəqliyyat infrastrukturunun inkişafına dair proqram təsdiq edilib.
Proqrama əsasən Kiyevdə yollar genişləndiriləcək, körpülər əsaslı təmir ediləcək. Şəhərin nəqliyyat infrastrukturunun idarə edilməsi modeli dəyişdiriləcək.
Proqramda qeyd olunur ki, 2023-cü ilədək Ukraynada 400 yeni tramvay və elektrik avtobusu alınacaq.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
