Azərbaycanda keçiriləcək U-15 dünya çempionatı üçün seçimlərdə 76 futbolçu iştirak edir
Bakı, 4 sentyabr, AZƏRTAC
Bu il Azərbaycanda keçiriləcək 15 yaşadək futbolçular arasında ilk dünya çempionatı və festivalında çıxış edəcək milli komandanın formalaşdırılması istiqamətində seçim prosesi davam edir.
Bu barədə AZƏRTAC-a AFFA-nın Texniki departamentin Skautlar şöbəsinin rəhbəri Bəxtiyar Musayev məlumat verib.
O, "Liv Bona Dea Arena"dakı seçimlərdə 76 nəfərin iştirak etdiyini bildirib: “Onların arasında bölgələrdən olan uşaqlar da var. Məqsədimiz dünya çempionatı üçün 20 nəfər istedadlı futbolçu üzə çıxarmaqdır. Seçimlərimiz oktyabr ayınadək davam edəcək”.
Qeyd edək ki, dünya çempionatı oktyabrın 22-31-də təşkil olunacaq.
Müxbir – Cavid Əliyev
Bölmənin digər xəbərləri
