CƏMİYYƏT


Milli Abilimpiya Federasiyası ilə əməkdaşlıq məsələləri müzakirə edilib

Bakı, 21 yanvar, AZƏRTAC

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyində Azərbaycan Milli Abilimpiya Federasiyasının nümayəndələri ilə görüş olub.

Agentliyin Strateji kommunikasiya departamentindən AZƏRTAC-a bildirilib ki, agentliyin sədr müavini Cəmaləddin Quliyev əlilliyi olan şəxslərin peşə bacarıqlarının inkişaf etdirilməsi, onların məşğulluq imkanlarının artırılması istiqamətində görülən işləri diqqətə çatdırıb. Qeyd edib ki, agentlik tərəfindən 2021-ci ildə 1348 nəfər əlilliyi olan şəxs özünüməşğulluq proqramına cəlb edilib, 2850 əlilliyi olan şəxs isə münasib işlərlə təmin edilib.

Görüşdə abilimpiya hərəkatının əlilliyi olan şəxslərin peşə bacarıqlarının inkişafında, əlilliyi olan insanların əmək reabilitasiyası və peşə ixtisaslarına, məşğulluq imkanlarına yiyələnmələrinin dəstəklənməsində önəmi qeyd edilib. Bu kateqoriyadan olan şəxslərin məşğulluq tədbirlərinə cəlb olunması, fəaliyyətlərinin dəstəklənməsi və inkişaf etdirilməsi istiqamətində birgə əməkdaşlıq məsələləri müzakirə edilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.