CƏMİYYƏT


“Ölkəmizi tanıyaq” tur-aksiyasında iştirak edən Xətai rayon məktəblilərinin qarşılanma mərasimi olub

Bakı, 16 noyabr, AZƏRTAC

Noyabrın 16-da “Ölkəmizi tanıyaq” tur-aksiyası çərçivəsində Xətai rayon məktəblilərinin Gəncə-Şəmkir-Göygöl marşrutu üzrə səfəri başa çatıb. Səfərdən qayıdan məktəbliləri Heydər Əliyev adına istirahət parkında Xətai Rayon İcra Hakimiyyətinin rəhbərliyi və valideynlər qarşılayıblar.

AZƏRTAC xəbər verir ki, qarşılanma mərasimində çıxış edən rayon icra hakimiyyəti başçısının müavini Etibar Əhmədov, ictimai-siyasi və humanitar məsələlər şöbəsinin müdiri Pənah İmanov gənc nəslə göstərilən dövlət qayğısından, gənclərin hərtərəfli inkişafı üçün yaradılan şəraitdən danışıb. Bildirilib ki, turun keçirilməsində əsas məqsəd ölkəmizin rayonlarını, tarixi abidələri, muzeyləri şagirdlərə daha da yaxından tanıtmaqdır.

Maarifləndirici tur-aksiya çərçivəsində Gəncədə, Şəmkir və Göygöl rayonlarında keçirilən “Nə, Harada, Nə zaman?” intellektual bilik yarışmasında Xətai məktəblilərinin komandası birinci və üçüncü yerlərə layiq görülərək iki kubok qazanıb.

Tədbirdə tur-aksiyanın iştirakçısı olan şagirdlər, eləcə də müəllimlər və valideynlər təəssüratlarını bölüşüb, yaradılan şəraitə görə Prezident İlham Əliyevə, Birinci vitse-prezident Mehriban Əliyevaya minnətdarlıqlarnı bildiriblər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.