ŞƏHİD TÜRK ƏSGƏRLƏRİNİN XATİRƏSİNƏ MƏQBƏRƏ KOMPLEKSİ UÇALDILMIŞDIR
AZƏRTAC-ın müxbiri xəbər verir ki, Neftçalanın Bankə qəsəbə qəbristanında uyuyan 10 türk əsgərinin məzarı üzərində məqbərə kompleksi ucaldılmışdır.
Onlar 1918-ci ilin qanlı mart qırğınları zamanı erməni daşnakları ilə vuruşlarda canlarını qurban vermişlər. Abidənin tikintisini Türkiyə hökuməti maliyyələşdirmişdir. İndi burada Türkiyə və Azərbaycan dövlətlərinin bayraqları xalqlarımızın əbədi qardaşlığının rəmzi kimi dalğalanır.
